Ro’za tutsa tushda tush tabiri

Tushda ro’za tutsa yoki uning buzilganligini ko’rsa nimadan dalolat beradi? Bu tushni turlicha tabir qilishgan. Agar siz tushda ro’za tutsangiz, o’ngingizda ishlaringiz yaxshi tarafga o’zgarib, martabangiz bundanda ziyoda bo’lishiga dalolat beradi.

Bundan tashqari oilangiz va qarindoshlaringiz o’rtasidagi rishtalar mustahkamlanib honadoningizga baraka yo’g’ilishiga tabir qilinadi. Qolaversa tushda ro’za tutgan kishi, o‘ngda yolg’on so’zlashdan o’zini tiyib, tashvishlaridan forig’ bo’ladi.

Ibn Siyriyn shunday deganlar. Agar siz tushingizda ro’za tutib, Quron oyatlaridan tilovat qilayotganligingizni ko’rsangiz, o’ngingizda gunohlaringizga tavba qilib, pok bo’lishingizga ishora beradi. Bordiyu siz ro’za tutgan holingizda g’iybat qilayotgan bo’lsangiz yoki og’zingizdan yomon gap chiqsa, o’ngingizda dinda mustahkam emasligingizdan dalolat.

Jafar Sodiq kishi tushida ro’za tutganligini o’n narsaga tabir qilgan. Tavba qilmoq, baland martabalarga erishmoq, tansihatlik, davlat topishga, haj safariga bormoqlikga, buzruklik, amaldor bo’lmoqlikka, tashvishlardan qutilmoqlikka, o’z nafsidan g’olib kelmoqlikka, farzandini solih ko’rmoqlikka,

Tushda ro’za tutish boshqa tabirlarda

Boshqa tabirlarga nazar tashlaydigan bo’lsak tushda ro’za tutish, tansihatlik, kishi hayotining yengillashishi va rizq nasiba deya tabir qilinadi. Bundan tashqari bunday tush ko’rgan kimsa dinida mukammal darajaga erishadi.

Bordiyu siz bilmasdan ro’zangiz buzliganligini ko’rsangiz, o’zingiz kutmaganda merosga ega bo’lishingiz mumkin. Agar bemor bo’lsangizu, ro’za tutganingizni ko’rsangiz, dardingizga shifo topishingizga dalolat beradi. Agar safarga otlanayotgan bo’lsangiz va tushingizda ro’za tutganingizni ko’rsangiz, safaringiz behatar va fayzli bo’lishiga dalildir. Ro’zangizni buzlilganligini ko’rsangiz, safar chog’ida biroz qiyinchiliklarga duch kelishingiz mumkin.

Ramazon ro’zasi tush tabiri

Agar siz tushda ramazon ro’zasini tutib turgan bo’lsangiz, gunohlaringizdan va azoblardan qutilishingizga tabir qilinadi. Bundan tashqari, hayotdagi mashaqqatu tashvishlardan qutilib, boylik topishingizga dalolat beradi. Agar oilangizda kelishmovchiliklar bo’lsayu tushingizda ro’za tutsangiz, bu kelishmovchiliklar barham topishiga ishora.

Agar tushingizda qazo ro’zasini tutganligingizni ko’rsangiz, o’ngingizda qarzlaringizdan qutilishingizga va tutqinlikdan ozod bo’lishga yo’yiladi.