Tush koʻrishni istagan kishi qilishi kerak boʻlgan ishlar

Tush koʻrishni istagan kishi joyiga yotishdan avval tahorat olib quyidagi duoni oʻqishi kerak:

«Bismillahir Rohmanir Rohiym. U shunday Allohki, Uning nomi tilga olingan yerda va koʻkda hech bir narsa zarar yetkaza olmaydi. Allohim! Yuzumni sen tomonga burdim. Barcha ishlarimda Senga tavakkal qildim. Yuragimni Senga ochdim. Sendan oʻzga sigʻinib iltijo qilinadigan kishi va joy yoʻq. Sening borliging muborak. Shaning oliydir. Sen saltanati soʻngsizsan. Biz esa senga muhtoj boʻlgan faqir bandalaringmiz. Sendan avf tilaymiz. Senga qarshi gunoh qilmaslikka soʻz beramiz. Senga sigʻinamiz va Senga ishonamiz. Allohim! Menga toʻgʻri, xushxabarli, foydali va hayrli boʻlgan tushni koʻrsat. Zararli va qoʻrqinchli tushlar koʻrishdan oʻzing asra! Misilsiz qudrat, kuch oliy zotingda mujassamdir».

Duo nihoyasiga yetgach, oʻng qoʻl bosh ustiga qoʻyib yotiladi, uxlanadi. Shu holatda koʻrilgan tush hayrli va toʻgʻri tush boʻladi. Koʻrilgan tushni bilimsiz, iymonsiz, tarbiyasiz, kishilarga aytish va ulardan tabir soʻrash toʻgʻri emas. Aks holda notoʻgʻri tabir koʻngilsiz natijalarga olib kelishi mumkin.

Tushning rost yoki yolgʻonliginibilish kerak. Kasal, oʻta toliqqan, asabiylashgan kishining yushlari toʻgʻri chiqmaydi. Yil boshida koʻrilgan tushlar bilan yil oxirida koʻrilgan tushlarning farqi bor.

Yil boshida koʻrilgan tushlar, toʻgʻiriroq chiqadi. Bahor faslida koʻrilgan tushlar tezda oʻngidan keladi. Yil oxiridagi muborak kechalarda koʻrilgan tushlar juda muhimdir.