Buzoq burji haqida malumot

Buzoq (21 aprel — 21 may)

Buzoq burji xarakteri va bir birlariga mosligi haqida malumot – Buzoq burji vakillari aynan mana shu – «Men balki hech narsaga qodir emasdirman», degan o‘y fikrdan qutilolmaydilar. Chunki ular o‘zlarining kuch va imkoniyatlarini balog‘atga yetgachgina sarf qila boshlaydilar.

Buzoq burji xarakteri va mosligi haqida

Tavakkalchilik ularga umuman yot. Biror ishni boshlashdan avval uzoq o‘ylanadilar, ikkilanadilar va ko‘p hollarda mana shu uzoq ikkilanishlar samarasini ham o‘zlarining foydalariga hal qila olmaydilar. Ular o‘zlarini tanasi emas, ruhlari (miyyasi) boshqarishiga juda qattiq ishonadilar.

Venera sayyorasi hukumronligi ostidagi buzoq burji sohiblariga doimo baht va omad olib keladilar. Ular do‘stlari va sevimli kishilari nazarida jozibali, istarasi issiq odamlardir va huddi shu fazilatlari bilan odamlarni o‘zlariga tortadilar. Ammo bu qobilyatlari favqulotta namoyon bo‘lmaydi.

Buzoq burji vakillari har doim shunday fikrdalar: «Men aniq bilaman, men hamma ishni uddalay olaman, agar shuni chin dilddan hohlasam. Xo‘sh, buning uchun men nimadan (kimdan) qo‘rqaman?». Ular haqiqatdan ham shunday insonlar toifasidan, yashirin qobilyat va istaklarini ro‘yobga chiqarishda hamisha ularga kimdir yoki nimadir doimo halaqit beraveradi.

Buzoq burjidagilar biror ishni boshlashi juda qiyin, chunki o‘zlaridan doimo kemtik ahtaraveradilar, ularga doimo nimadir yetishmaydi. Shu boisdan ham buzoqlarni tushunish juda qiyin. Lekin bundaylarning ijobiy tomonlari juda ko‘p. Masalan, ular ahillikni juda yaxshi ko‘radilar, lekin bazida atrofidagilar ularning juda kamgapliklari, vazminliklaridan zerikadilar.

Mazkur burj vakillari odamlarni juda tez farqlaydilar va tabiatiga monand keladiganlar bilangina murosa qiladilar. Shu bois atrofdagilar, ularni yaqindan bilmaganlar burj vakillari haqida doim ham yaxshi fikrga ega emaslar. Buzoqlar kam gapiradilar, tashqi tomondan o‘zlarini juda hotirjam qilib ko‘rsatadilar va ularning qachon hursand bo‘lishlari – yu qachon xafa bo‘lishlarini ham bilish juda qiyin.

Buzoq burjidagilar boshqa burj vakillaridan o‘zlarining o‘ta chidamli va sabrli ekanliklari bilan ham ajralib turadilar. Yaqinlari tomonidan qanchalik kamsitilmasin, bunga javoban ular ters o‘girilib ketmaydilar, aksincha, «balki haqiqatdan ham shundaydirman», deya o‘zlaridan shubhalanib qo‘yadilar. Hullas, hayotda kurashib yashash kerak, shunday hayot ham sendan o‘z nematlarini ayamaydi degan optimistik fikr ham ularga zavq bag‘ishlolmaydi.

Buzoq burji: Erkaklar xarakteri haqida

Erkak buzoq burji vakillari beozor, rahimdil, marhamatli insonlar bo‘lib, ular huddi shu harakterlari bilan boshqalardan ajralib turadilar. Tabiatan Xudo ularga tengsiz istedod va sabr bergan. Agar ularning atrofida o‘zlarini yaxshi tushungan va doim qo‘llab quvvatlaydigan kimdir bo‘lsa, oradan hech qancha vaqt o‘tmay, ularni tanimay qolishingiz hech gap emas.

Bu burj vakillarida ham o‘zlarini nomoyon eta olish qobilyati bor. Faqat eng katta to‘siq – Ular o‘zlari bilan o‘zlari kelisholmay yashaydilar. Farzand tarbiyasida bolalarning o‘zlariga emas, aksincha, hayotda juda katta muvaffaqiyatlarga erishgan biror insonga o‘xshashlarini istaydilar va ularni shu ruhda tarbiya qiladilar. Bu borada ularning oldidagi eng katta to‘siq – Buzoqlar farzandlarining o‘zlariga o‘xshagan odamovi bo‘lishlaridan juda qo‘rqadilar.

Erkak buzoq burji vakillari ayollardagi kamgaplikni yoqtiradilar. Shuningdek, ayollar o‘zlarining ishlariga aralashavermasliklarini talab qiladilar. Ular haqidagi yana bir sirni oshkor qilishimiz kerak, bunday tabiatli erkaklar ko‘pchilik ayollarninig orzusidagi erkakdir.

Buzoq burji: Ayollar xarakteri haqida

Ayollar hamdardlik, yelkadosh bo‘la olishlari bilan o‘z juftlarining mehrlariga sazovor bo‘ladilar. Ularning asosoiy vaqti oshxonada o‘tadi: Ayollarning bu boradagi harakatlari erlariga astoyidil yoqishiga bo‘lgan harakatlari desak ishonavering.

Agar erkaklar buzoq burjida tug‘ilgan ayollarni o‘zlariga turmush o‘rtoq sifatida tanlasalar, ular o‘z hayotlarida eng to‘g‘ri qarorni qabul qilgan bo‘ladilar. Chunki bunday ayollar juda kuchli, sofdil va mehribon erlarining ish borasidagi tajribalarini, maslahatlarini doim qo‘llab – quvvatlaydilar.

Ayol buzoq burji vakillari erkaklardagi etiborni, o‘zlariga nisbatan shirinso‘zlikni qadrlashadi, chunki aynan shu narsa ularga yetishmaydi. Yo‘q, buni ularning muhabbatga noloyiqligi bilan izohlash noto‘g‘ri. Faqat ularga haddan ziyod mehr kerak, xolos.

Tabir - bashorat emas, barcha narsani bilguvchi yagona zot Allohdir.

Bugun ko‘rilgan tush qanday ahamiyatga ega? Bilib oling...

Ko‘pincha bu tunda ko‘rilgan tushlar nafaqat tush ko‘rgan odamning o‘zi uchun, balki uning yaqin do‘stlari yoki... Batafsil

Tug‘ilgan sanangiz mohiyati (raqamlar sri)...

Yoxud raqamlar taqdirdan so‘zlaydi - Raqamlar siri va manosi haqida malumot. Tug‘ilgan kun, yani sana bashorati... Batafsil