Shayton tushda tush tabiri

Shayton tushda korsa tush tabiri – Ibn Siyriyin tushdagi shayton haqida shunday tabir qilgan. Kishi tushda shayton koʻrsa, dushmanga ishora beradi. Bordiyu shayton tushda sizni vasvasga solsa, tavba qilishingiz kerakligidan ogoh etadi.

Bordiyu siz shayton bilan jangga kirib uni magʻlub etsangiz, din yoʻlida qadamingiz mustahkam boʻlishiga yoʻyiladi. Agar buning aksi boʻlsa, yani shayton sizni magʻlub etsa, dinda nuqsonlarga duch kelishingiz mumkin. Agar kishi tushida shayton bilan birga oqvatlansa yoki u bilan suhbat qursa, oʻngida fisqu – fasotga qoʻl urgay.

Bu tush hususida boshqa tabirlarda shunday deyilgan. Inson tushda shayton yoki yovuz ruh yoki shunga oʻxshash narsalarni koʻrsa, oʻngida koʻngilsizliklarga yoʻliqishi mumkinligidan ogoh etadi. Bordiyu biron bir kishini shayton aldasa, shu tushni koʻrgan odam, oʻz yurtidan uzoq joyda yashashiga va mol mulkidan ayrilishga dalolat beradi.

Shayton tushda korsa: Vanga tabiri

Vanga tabiri shayton – Kimda kim shayton bilan yovlashsa, dushman ustidan gʻalaba qozonadi. Agar tushda shayton sizning aqlu xushingizni olganini koʻrsangiz, sudxoʻrlik qilishingizga dalolat beradi. Bordiyu iblis sizni yoʻldan ozdirganini tushda koʻrsangiz, boyligingizga ziyon yetishiga tabir qilinadi.

Tush sohibi tushida oʻzini shaytonga oʻxshaganini koʻrsa, insonlarni ustidan kulishiga yani kalaka qilishiga dalolat. Agar siz tushingizda shaytonni oʻldirsangiz, makkor kimsalarga hiyla ishlatishingizga tabir qilinadi.

Nobulsiy tabirida tushdagi iblis yoki shayton, tush sohibining hatolarga yoʻl qoʻyishini anglatadi. Bundan tashqari tushda iblisni koʻrgan kishi, nomozni tark etishiga, gunohlar qilishiga, yolgʻon gapirishiga va uzoq umr koʻrishiga ham tabir qilinadi. Boshqa tabirlarda tushdagi shayton, sehrga, makrga, aldov va er hotin oʻrtasida kelishmovchiliklar boʻlishiga dalolat beradi.

Shayton boshqa tabirlarda

Tushda koʻrilgan shayton oʻsha joyda kelishmovchilik va nizolar chiqishiga dalolat beradi. Tushda iblis yurgan joylarda zulum, ocharchilik, hafagarchilik, qirgʻoqchilik boʻladi. Bundan tashqari tushdagi shayton, ayyor va makkor kishiga dalolat.

Tushida shaytonni koʻrgan kimsa, hiyonatkor va rashki kishidir. Agar tush sohi iblisni yoki shaytonni zanjirband etsa, dalil boʻlgaykim dinda sobitqadam boʻlib shodlikka erishadi. Bordiyu iblisni yoki shaytonni zaif ekanligini koʻrsa, pok insonlar uchun bunday tush kuch quvvat demakdir.

Kirmoniy bu tushni shunday tabir qilgan. Agar biron kimsa tushida shaytonga tobe boʻlganligini koʻrsa, nafsga beriladi. Bordiyu shayton tush sohibiga biron bir narsa berganligini koʻrsa, va u bergan narsasi yaxshi boʻlsa, haromdan mol dunyo toʻplaydi. Agar shaytonni oʻldirsa, nafsini jilovlab, yaxshilikka qaytadi.